حمّل فزعة لويندوز

يدعم OpenAI و Gemini بمفتاحك الخاص، وتقدر تحفظ المفتاحين وتبدّل بينهما. Gemini هو الاختيار الأول في الإعداد لأن مفتاحه مجاني، وفيه دليل خطوة بخطوة.

اختياري: تسوّي حساباً في echonova.ai وتنشئ مفتاح API (من Developers ثم API Keys، ولازم تفعّله)، وتحطه في الإعدادات ← الصوت، وتضغط «تحميل الأصوات» وتختار صوتك (فيه أصوات إماراتية وخليجية، وتقدر تستنسخ صوتك من موقعهم)، وتجرّبه، وتفعّل «مكالمة صوتية بصوت EchoNova». كل شخص يستخدم مفتاحه ويدفع من رصيده عندهم، مثل مفتاح OpenAI وGemini. في هذي المكالمة يكتب النموذج الرد وEchoNova يقرؤه جملة جملة، فأول صوت يجي بعد ثانية إلى ثلاث ثواني من سكوتك، والأفضل بسماعات. إذا وقف EchoNova (رصيد خلص أو مفتاح مرفوض أو انقطاع) تكمّل المكالمة بصوت OpenAI وينبّهك البرنامج. وفي تطبيق الجوال خيار «صوت المكالمة»: تلقائي يتبع الكمبيوتر، أو OpenAI، أو EchoNova (الكمبيوتر يشغّل الصوت ويرسله للجوال).

البرنامج نفسه مجاني. اللي تدفعه هو استهلاكك عند مزوّدك حسب تسعيرته، وGemini له حصة مجانية تتغير. المكالمة الصوتية المباشرة هي الأغلى وتنحسب بدقائق الصوت، والمحادثة النصية أرخص بكثير. عدّاد الدقائق داخل البرنامج للعرض فقط، ما يحدّ ولا يوقف شي.

لأن المثبّت غير موقّع رقمياً حالياً (التوقيع يحتاج شهادة مدفوعة)، فويندوز ممكن يحذّرك. تأكد إنك حمّلته من مصدره الرسمي، ولو وثقت فيه اضغط «مزيد من المعلومات» ثم «تشغيل على أي حال».

البرنامج لويندوز فقط، ولا فيه نسخ ماك أو لينكس. للجوال تطبيق مرافق للتحكم بالكمبيوتر: نسخة Android تجريبية (سامسونج فقط حالياً، تثبيت مباشر من ملف APK)، ونسخة iPhone قيد التجهيز ولسا ما صدرت للعموم.

تفعّل «التحكم من الجوال» في الإعدادات وتمسح رمز QR من التطبيق، وتجاوب على سؤال الاقتران من الكمبيوتر. الجوال يرسل محادثة وصوتاً ويشغّل أوضاعك، لكنه ما يغيّر الإعدادات ولا يقرأ مفاتيحك ولا ملفاتك.

التحكم الكامل ينفّذ بدون ما يسألك، والمسؤولية عليك. عشان كذا فيه حمايات اختيارية: قائمة لا تقرب، إشعارات، تراجع، وحارس الحقن. وفيه حدود ثابتة ما تنلغي، وإيقاف طارئ، وسجل لكل فعل.